Талоқ тушадими?
16:44 / 03.12.2018 | Yusufjon | 2095
Ассалому алайкум! Устозлар, аёлим намозхон 1 фарзандим бор. Маълумки эркак киши яқин инсони хақида шикоят эшитишни хохламайди, ота-онам аёлим хақида шикоят қилишганида жуда бўғилиб кетаман. Шикоят қилишмасин деган ниятда олдиларида сен хақингда яна гап эшитсам жавобингни бердим деб юборганман, Анча пайт яхши бўлиб энди яна гап эшиттим. Талоқ тушдими? Тўғри униям айблари бор нима қилай? 1та ўғилман. Жавобингиз учун олдиндан раҳмат.
«Зикр аҳлидан сўранг» ҳайъати:
- Ва алайкум ассалом! Сизни ҳолатингизда бир талоқ тушади. Бунақа шартларни қўйманг. Мабодо шу каби шартларни қўйсангиз ва кейин гапимдан қайтиб олдим десангиз ҳам талоқ тушади. Чунки талоқни бирор шартга боғлаш қасам даражасида бўлади. Валлоҳу аълам!
