Хуфтон намозини бамдодга яқин ўқиш
Ассалому алайкум! Ҳурматли устозлар. Мен мана қарийб 1 йилдирки хуфтон намозини эрталаб яъни бомдоддан 30минут олдин ўқийман. Хуфтон вақти кирганда чарчоқ бўлади ёки бу аллақачон рефлекс бобқоган(ўзи аслида бошидан шайтон йўлдан уриб кеган менимча. Дангасалик деса ҳам бўлар балким). Шуни ҳукми нима бўлади? Вақтингизни ажратганингиз учун раҳмат.
- Ва алайкум ассалом! Сиз Расулуллоҳ соллаллоҳу алайҳи васаллам қилган суннатга зид иш қилаяпсиз экан. Уламолар фазоили аъмол бобида Расулуллоҳ соллаллоҳу алайҳи васалламнинг қуйидаги ҳадисларини келтирганлар. У зот соллаллоҳу алайҳи васаллам аввал хуфтонни ўқиб кейин уйқуга ётар эдилар. Сиз ҳар куни кўплаб савоблардан маҳрум бўлаяпсиз экан.
عن عبد الله بن مسعود رضي الله عنه قال : قال رسول الله صلى الله عليه وسلم : ( إن من ورائكم أيام الصبر ، الصبر فيهن كقبض على الجمر للعامل فيها أجر خمسين قالوا : يا رسول الله أجر خمسين منهم أو خمسين منا . قال : خمسين منكم ) قال الهيثمي رواه البزار والطبراني
Абдуллоҳ ибн Масъуд розияллоҳу анҳудан ривоят қилинади:
Расулуллоҳ соллаллоҳу алайҳи васаллам: “Ортингизда сабр кунлари бор. У кунларда сабр қилиш қўлида чўғни тутиб туриш каби бўлади. У кунларда динига амал қилувчилар учун эллик кишининг ажри бор” дедилар. Шунда саҳобалар “Ўзларидан эллик кишиними ёки биздан эллик кишиними ё Расулуллоҳ” дедилар. У зот “Сиздан эллик кишини” дедилар. Баззор ва Табаронийлар ровояти.
عن أبي هريرة رَضِي اللهُ عَنْهُ، قال رسول الله صلى الله عليه وسلم من تمسك بسنتي عند فساد أمتي فله أجر مائة شهيد". وفي رواية: "فله أجر شهيد". رواها الطبراني
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам: “Умматим фасодга учраганда суннатимга амал қилган кишига юзта шаҳиднинг савоби бордир” дедилар. Бошқа бир ривоятда “Битта шаҳиднинг савоби бордир” деганлар. Табароний ривояти. Валлоҳу аълам!
