Дуо ижобат бўлишига умид қилсам бўладими
11:48 / 16.01.2019 | Зафар | 2998
Ассалому алайкум! Намоз ўқимайман гуноҳларим ҳам кўп. Отам қаттиқ дардга чалинганлар. Тиббиёт ходимларининг хулосасига кўра 1 йил ёки 1,5 йил умрлари қолган дейишмоқда. Ўзим ички ишлар тизимида хизмат қиламан. Отам учун ишдан қайтган вақтларим эрталабгача дуо қилиб чиқсам Аллоҳ дуоларимни қабул қилишига умид қилсам бўладими? Отамнинг соғайиб кетишлари учун тинмай дуо қилсам отам соғайиб кетишларига умид қилсам бўладими?
«Зикр аҳлидан сўранг» ҳайъати:
- Ва алайкум ассалом! Аллоҳ таоло сизга неча ишни фарз ва вожиб қилган. Аллоҳнинг раҳмати кенг, бериш ёки бермаслик Аллоҳнинг ихтиёрида. Биз Аллоҳнинг раҳматини чеклай ҳам олмаймиз, йўналтира ҳам олмаймиз. Шу дуоларга намозни ҳам қўшиб қўйинг. Валлоҳу аълам!
