Онамиз намозни ёд ололмаяпти

- Ва алайкум ассалом! Аллоҳ тоқати етганига буюради. Қодир бўлганича ўқийверсин. Инсон қизиқ, ёшлигида ҳали ёш ўйнаб олсин дейишади. Кейин мактабда ўқисин, илм зарур дейишади. Кейин ҳозир муҳими ишлаш, қариганингида ўқирсан дейишади. Кимлардир шу қарилик ёшига етади ёки етмасдан ўлади. Қарилик ёшига етганлар эса таҳорат ушламаяпти, тилим қотиб қолибди, ёд ололмаяпман, эсимдан чиқиб қолаяпти каби гапларни айтишади. Ёки иштоним ҳўл бўлиб нажосат кийимда намоз ўқишга кўнглим бўлмаяпти дейишади. Аллоҳ таоло “Ҳаж” сурасида қуйидагича марҳамат қилади: 

 وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ۝ 

11. Одамлардан Аллоҳга бир томонлама ибодат қиладиганлари ҳам бор. Агар унга яхшилик етса, кўнгли тўлур. Агар унга бало етса, юз ўгириб кетур. У дунёда ҳам, охиратда ҳам зиён кўрур. Ана ўша очиқ-ойдин зиёндир.
Онангизга раҳмат, кеч демасдан ибодатни бошлабди. Бу Аллоҳ онангизга яхшиликни ирода қилганининг аломатидир. Валлоҳу аълам!