Ғуслда оғизни ғарғара қилмаслик
22:45 / 05.03.2019 | Umar | 4178
Ассалому алайкум! Ғуслнинг фарзларидан биринчиси - оғизни яхшилаб (ғарғара қилиб) чайиш кераклиги ҳақида ўқидим. Шу вақтгача оғиз бўшлиғини ўзини чайиб, бурунни ачишгунча ювиш билан ғусл қилардим. Ғарғара қилмаганлигим шу вақтгача тўлиқ покланмаганимни билдирадими? Намозларим қайта ўқилиши керакми?
«Зикр аҳлидан сўранг» ҳайъати:
- Ва алайкум ассалом! Ғарғара афзал, фарз эмас. Оғизни чайишнинг ўзи билан ҳам фарз адо бўлади. Худди шунингдек бурунни ачиштириб чайиш афзал, бурунни ўзига сув олиб чайиш ҳам фарзга кифоя қилади. Ҳатто рўзадорга ғарғара ҳам, бурунга ачишадиган даражада сув олиш ҳам ман қилинган. Валлоҳу аълам!
