Шариатнинг хукми қандай?

Ассаламу алайкум муҳтарам Ҳазрат.Мен элимизнинг турли тадбир ва маросимларига стол-стул ҳамда идиш-товоқларни ижара асосида фойдаланишга бериш билан шуғулланаман. Ҳозирда анжомларни ўз уйимизда сақлаб, мижозларга хизмат кўрсатмоқдаман. Аммо турфа вазиятлар тақозоси ила бирор бошқа масканга кўчишга эхтиёжимиз кучлик бўлиб турибди. Айни пайтда биздан унча узоқ бўлмаган жойда фаолияти тўхтатилганига ўн йилдан ошган бир масжид мавжуд. Бу жойга масжидни қурдирган раҳматлик кишининг ўғиллари эгалик қилиб турибди. Маълум-ки, масжидлар вақф ҳисобланади. Мен мазкур фаолияти тўхтаган масжидда, шу жойга эгалик қилиб турган кишилар билан келишган холда, масжиднинг маълум бир қисмидан омбор сифатида фойдаланиб фаолият юритсам бўладими? Аллоҳдан қилаётган ишларингизга муносиб ажр ато этишини сўраб қоламиз!