Талоқ қўйилмаган
00:00 / 15.01.2013 | eski savollar | 2266
Ассалому алайкум Шайх хазратлари! сизга дугонамнинг саволларини йуллаяпман,илтимос агар иложи буса маслахат беринг,улар турмуш уртоклари билан хаётлари булмай ажрашганлар факат конунан, шаърий эса талок куйилмаган экан,2007 йилдан бери шу алфозда юришипти,лекин дугонам узлари шу пайтгача бу ишлар кандай хал килиш керак эканлигини билмаган эканлар, шу хусусда уйланиб колиптилар, 2007 йил январ ойида уйдан чкип кетганлар ва июль ойида загс бекор килинган..диний томонлама эса хеч нарса дейилмаган экан..бу ишларга кайндай якун ясалади? илтимос иложи булса тушунтириб маслахат беринг, агар хато ва тушунарсиз ёзган булсам олдиндан узр суриман, Аллох сиздан рози булсин.
Шайх Муҳаммад Содиқ Муҳаммад Юсуф роҳимаҳуллоҳ:
- Қонуний йўл билан ажрашганда эр томонидан шариатда талоқ маъносини англатадиган, ажрашдим, энди орамизда эр-хотинлик йўқ каби гаплар айтилса, ёки шунга ўхшаган сўзлар бор ҳужжатга қўл қўяётганида қайта яшамасликка розиман деса, талоқ тушган бўлади. Агар ундай бўлмаса, ҳозир бўлса ҳам эрдан талоқ қилишини сўраш керак. Баъзи эркаклар, талоқ қилмайман, деб туриб олади. Унда масжид ва маҳаллага ариза бериб икки томон вакиллари ва гувоҳлар орасида никоҳ бузилгани эълон қилинади. Аёл идда ўтириб кейин янги турмуш қурса бўлади.
