Ният ва такбир айтганда нигоҳ қайси тарафга қаратилади?

Ассалому алайкум, ҳурматли Шайх Ҳазратлари! Излаш хизматидан топа олмаганим учун шу саволни бермоқдаман. Устоз, мен намозга киришишдан аввал ниятни айтишда қиблага қараб тураман (яъни, бошимни эгмаган ҳолда нигоҳим қиблага қаратилган бўлади). Кейин эса, икки қўлимни қулоқ баробари кўтарган пайтдан (такбир айтаётганимдан) бошлаб, бошимни эгиб нигоҳимни жойнамознинг сажда қилинадиган жойига қаратаман. Шу ишим тўғрими ёки такбирни айтиб бўлгач бошимни эгишим керакми? Қадрли вақтингизни олаётганимдан хижолатдаман, Устоз. Парвардигор мартабангизни доимо улуғ қилсин, сизни Ўз паноҳида асрасин. Илмингизни барчамиз учун хайрли ва баракали қилсин.