Хадис саҳиҳми
11:42 / 16.05.2018 | Amina | 2011
Ассалому алайкум! Аллоҳ қилаётган эзгу ишларингизда Ўзи мадодкор бўлсин. Менга бир киши ҳадис деб бир гап айтди, ровийларини сўрасам айтиб беролмади. У қуйидагича: Расулуллоҳ соллаллоҳу алайҳи васаллам: <<Ким бир мўминга ёки мўминага муҳаббат қилса, муҳаббатини Аллоҳдан ўзга ҳеч кимга арз қилмаса ва унга етишолмаса, у шаҳиддир>> дедилар. Шу маълумот ҳақиқатдан тўғрими ёки шунга ўхшаш ҳадислар борми? Мен номаҳрамга Аллоҳ учун қилинган ихлосдан бошқа холатлардаги муҳаббат гуноҳ деб билардим.
«Зикр аҳлидан сўранг» ҳайъати:
Ваалайкум ассалом! Тўғри. Ишқи маъжозий ҳам улкан бир дард ҳисобланади. У дардда вафот топган ҳам шаҳид ҳисобланади, модомики ношаръий мулоқат қилмаса ва ўша каби ишларга ўтмаса. Валлоҳу аълам!
