Бир ҳадис маъноси
Ассалому алайкум шахй ҳазратлари!Илтимос мана бу ҳадийсни саҳиҳ ёки саҳиҳ эмаслигини айтиб берсангиз. Агар саҳиҳ бўлса бази бир бидатларга ҳужжат бўла оладими? Жавобингиз учун Аллоҳ сиздан рози бўлсин!
جَرِيرِ بنِ عَبد الله البَجَليّ رَضيَ الله عنهُ، قالَ: قالَ رسولُ الله صلى الله عليه وسلم: "مَنْ سَنَّ في الإسلام سُنَّةً حسَنَةً فَلَهُ أجرُها وأجرُ مَن عَمِلَ بها بعدَهُ مِن غير أن يَنْقُصَ من أجُورِهم شَىءٌ، ومَن سَنَّ في الإسْلامِ سُنَّةً سَيّئةً كانَ عليه وِزْرُها ووِزْرُ مَن عَمِلَ بِها مِنْ بَعْدِه مِن غَيرِ أن يَنْقُصَ مِن أَوزَارِهم شَىءٌ" رَواهُ مسلمٌ.
– Ва алайкум ассалом! Жарир ибн Абдуллоҳ розияллоҳу анҳудан ривоят қилинади:
«Пайғамбар соллаллоҳу алайҳи васаллам: «Ким Исломда гўзал суннат пайдо қилса ва ундан кейин ўша суннатга амал қилинса, унга ўшанга амал қилганлар ажрига ўхшаш ажр, уларнинг ажридан бирор нарса ноқис қилинмаган ҳолда ёзилиб туради. Ким Исломда бир ёлғон суннат пайдо қилса ва ундан кейин ўша суннатга амал қилинса, унга ўша амал қилганлар гуноҳига ўхшаш гуноҳ, уларнинг гуноҳларидан бирор нарса ноқис қилмаган ҳолда ёзилиб туради», дедилар».
Бу ҳадисни уламолар баъзи янги пайдо бўлган нарсалар яхши бидъат бўлишига ҳужжат қилганлар. Бу масалани тўлиқ тушуниш учун «Зикр аҳлидан сўранг» китобчасининг учинчи сонини ўқинг.
