Мен мўминманми
11:55 / 29.05.2019 | 1837
Ассалому алайкум! Бир инсон менга “сен ҳақиқий мўмин эмассан”, деди. Лекин мен Аллоҳга шукр намоз ўқийман, Аллоҳга ишонаман, лекин шунда ҳам у киши ҳақиқий мўмин бўлиш учун ҳеч бир инсонни кўнглига тегмаслигинг керак, ота-онангни ҳурмат қилишинг керак ва меҳрибон бўлишинг керак дедилар. Ва яна “иймон шартларини ўқиб, хулоса қилишинг керак” дедилар, лекин мен қўлимдан келганича хулоса қилсам ҳам бу бировнинг фикри ўзингни фикринг керак” дедилар. Нима қилсам ҳақиқий мўмин бўлиб, ўзимни фикримга эга бўламан?
«Зикр аҳлидан сўранг» ҳайъати:
- Ва алайкум ассалом! Сиз Аллоҳни ягоналигига ва бошқа иймон келтириш шарт бўлган нарсаларга иймон келтирган бўлсангиз мўмин ҳисобланасиз. Бунга шак шубҳа йўқ. Иймон даражасига келсак кимнидир кучли, кимникидир заиф бўлиши табиий. Ким қанчалик илм ўрганиб унга амал қилишда давом этса, иймонининг нури ҳам зиёдалашиб бораверади. Валлоҳу аълам!
