Ироқ ҳақида

Ҳазрат, Ассаламу алайкум ва раҳматуллоҳи ва баракатуҳ!Ҳак динимиз йўлидаги фидокорона хизматларингиздан Аллоҳнинг ўзи рози бўлсин. !Сайтда Фахри коинот суюкли пайғамбаримизнинг набиралари Имом Ҳасан ва Имом Ҳусайн (Аллоҳ у зотлардан рози бўлсин)ларнинг қисқача ва жуда юмшатиб ёзилган тарихларини ўқиб қалбим битмас оғриққа тўлиб кетди. Суюкли саҳобалар Усмон розияллоҳу анҳу, Али розияллоҳу анҳуларга, шунингдек, Аллоҳнинг энг суюкли дўсти Жаноби Расулуллоҳнинг жондан ортиқ кўрган набираларига қилинган суюқасдлар, Имом Ҳусайн ҳазратларига қилинган ўта азобли ва аламли қотилликларни ҳамда энг ачинарлиси, ушбуларни Аллоҳ ва унинг расулига иймон келтириб ўзини исломданман, деб ҳисоблаган кимсалар томонидан бўлганлигини ўқиб ўзимни йўқотиб қўйдим. Узоқ вақт алам билан хаёлга толдим. Сиз азизга “Дунё мусулмонлари Кенгаши”нинг аъзоси эканлигингиз туфайли бир саволимга жавоб бера оласиз деб уйлайман..."Ироқ исломий давлат, ҳозирда ушбу давлатнинг ислом динига бўлган муносабатлари ва ҳатти-ҳаракатлари бир сўз билан айтганда тўғрими? Сизнинг ушбу давлат диний уламоларига бўлган фикрингизни билгим келди. Бу мен учун жуда муҳим... Аллоҳ, фахри коинот Жанобимиз Муҳаммад Мустафо соллаллоҳу алайҳи васалламнинг барча дуоларини ижобат этсин!