Одамлари бор экан
Ассалому алайкум! Жиянимиз 23 ёш. Ўғил бола, ибодатда. Шу кунларда намоз ўқиётганимда ўнг ва чап тарафда кимлардир мен билан бирга намоз ўқияпти дейди. Келажак тўғрисидаги хабарларни қулоғимга айтиб туради деб одамни қўрқитмоқда. Баъзилар одамли экан тез бўйнига олсин, яхшиликка дейишмоқда. 5 махал намозни имкон қадар ўқийди, дуо ва саловатлар ўқиб юради. Нима қилиш керак?
- Ва алайкум ассалом! Бу ёнидагилар жинлар. Инсонни ёнида жин бўлиши улуғликнинг аломати эмас. Фолбинларни "Бўйнига олиш керак" деган гаплари мутлақо нотўғри. Сиз ҳар куни тонгда қуйидаги дуони ўқинг:
عَنْ أَبَانَ بْنِ عُثْمَانَ، عَنْ أَبِيهِ رَضِي اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ، ثَلَاثَ مَرَّاتٍ لَمْ تُصِبْهُ فَجْأَةُ بَلَاءٍ حَتَّى يُمْسِيَ. رَوَاهُ أَصْحَابُ السُّنَنِ
Абон ибн Усмондан, у отаси розияллоҳу анҳудан ривоят қилади:
«Расулуллоҳ соллаллоҳу алайҳи васалламнинг «Ким «Бисмиллааҳиллазии лаа язурру маъа исмиҳи шайъун фил арзи ва лаа фис самааи ва ҳувас-самийъул алийм»ни уч марта айтса, кечқурун бўлгунча унга тўсатдан келадиган бало етмайди», деганларини эшитдим».
«Сунан» соҳиблари ривоят қилишган.
Демак, ким ихлос билан ушбу ҳадиси шарифда келган дуони ўқиб юрса, унда берилган ваъдадан баҳраманд бўлар экан. Бунга эътиқод ва амал қилишга одатланмоғимиз керак.
Дуонинг маъноси қуйидагича: «Исми бирга бўлганда еру осмонда ҳеч нарса зарар қилмайдиган Аллоҳнинг номи ила. У Зот ўта эшитувчи ва ўта кўрувчидир». ("Руҳий тарбия" китобидан). Валлоҳу аълам!
