Ўтган йилнинг нисобидан ҳам закот бериладими?
14:53 / 24.08.2019 | Бехруз | 1578
Ассалому алайкум! Пул нисобга етиб, закот берилган бўлса, келгуси йил закот бермоқчи бўлса, олдинги йил закот чиқарилган маблағ яна закотга қўшиб хисобланадими ёки йиғилган маблағдан бир марта закот чиқарилади холосми?
«Зикр аҳлидан сўранг» ҳайъати:
– Ва алайкум ассалом! Қўлидаги боридан ҳар йили закот чиқараверилади. Закот ҳаж эмаски бир маротаба адо қилса бўладиган. Янги қўшилса янгисидан ҳам эскисидан ҳам берилади. Камайса ва нисоб миқдоридан озаймаса ўша камайиб қолган миқдоридан ҳам беради. Қўлдан кетганидангина берилмайди. Валлоҳу аълам!
