Зино ва ризқ
09:19 / 31.08.2019 | Abbos | 3212
Ассалому алайкум! Кўз зиносидан азият чекмоқдаман. Алҳамдулиллаҳ намоз ўқийман ва буни оқибати жуда ёмонлигини ҳам биламан, лекин шахват қўзғалиб тинчлик бермайди. Уйланиш ҳаракатидаман, лекин ҳозирча бунга шароит йўқ, рамазонда бемалол рўза тутардим. Ҳозир эса саҳар туришга қийналаман, кўз зиноси ҳам ризқни умуман тўхташига сабаб бўладми? Бу иллатдан қутилишни борми?
«Зикр аҳлидан сўранг» ҳайъати:
– Ва алайкум ассалом! Ҳаром амалдан тийилиш фарз. Сиз ҳар бир нафсингизни тийганингиз учун биттадан фарзни адо қилган савобга эга бўласиз. Бу сиз учун аршнинг остида соя олишга насибадор бўлиш мавсумидир. Бундан фойдаланиб қолинг. Уйланишингиз билан бундан маҳрум бўласиз. Валлоҳу аълам!
