Талоқдан кейинги талоқ
17:43 / 20.09.2019 | Hilola | 2405
Ассалому алайкум! 1. Бир марта талоқ тушгандан кейин никоҳ ўқилмасдан айтилган кейинги талоқлар (масалан 1 ҳафта 10 кундан кейин уч талоқсан дейиш) тушмайдими? Аёл бир талоқда қолаверадими?
2. Ҳайз ҳолатида талоқ берса талоқ тушмайдими?
«Зикр аҳлидан сўранг» ҳайъати:
– Ва алайкум ассалом! Аёл талоқ қилингач иддага ўтиради. Одатда идда ҳомиладор учун боласини туққунича, ҳомиладор бўлмаса уч ҳайз кўргунича. Ҳайз кўрмайдиганлар уч ой муддат ўтгунча иддада бўлишади. Шу вақт ичида қўйилган талоқ тушаверади. Жуда кўпчилик иддадаги аёлга талоқ тушишини билишмайди.
2). Ҳайз ҳолатда ҳам талоқ тушади. Валлоҳу аълам!
