Қачонгача тавба қабул бўлади?
Ассалому алайкум! Аллоҳ Ўзига ширк келтиришлигини харгиз кечирмайди деб эштдим. Аллоҳ мушрикка жаннатни харом қилди, мушрикларга ёрдам қилгувчи йўқдир ва никоҳиям бузилади деб хам эшитдим. Кейин эса агар одам ўлишидан олдин тавба қилса ширк хам кечирилади деб эштдим. Агар тавба қилса харом бўлган жаннат яна халол бўладими?
– Ва алайкум ассалом! Тавба қилса кечирилади, агар тавба қилмасдан вафот топса кечирилмайди.
عَنِ ابْنِ عُمَرَ رَضِيَ اللهُ عَنْهُمَا، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِنَّ اللهَ يَقْبَلُ تَوْبَةَ الْعَبْدِ مَا لَمْ يُغَرْغِرْ. رَوَاهُ التِّرْمِذِيُّ وَأَحْمَدُ وَالْحَاكِمُ
Ибн Умар розияллоҳу анҳумодан ривоят қилинади:
«Набий соллаллоҳу алайҳи васаллам:
«Модомики банда ғарғара ҳолига бориб қолмаган бўлса, албатта, Аллоҳ унинг тавбасини қабул қилади», дедилар».
Термизий, Аҳмад ва Ҳоким ривоят қилганлар.
Шарҳ: Жон ҳалқумга келмасдан аввал тавба қилиб қолмоқ лозим. Ундан кейин кеч бўлади. ("Ҳадис ва Ҳаёт" китобидан). Валлоҳу аълам!
