Ғайридин оиласида туғилган боланинг қисмати
Ассалому алайкум! Масалан ҳиндистонда бир чақалоқ дунёга келди. Уни отаси ёки онаси буддист, тили чиқмасидан ота онасини ҳайкалга сиғинишини кўради, ўрганади. Бутун ён атрофи муҳити буддистларни динига алоқадор бўлади. Энди ўйлаб кўрилса қандай қилиб бу бола ислом динига киролиди? Унда танлов йўқку, кейин у ёмон иш қилмаса, фақат яхшили қилса ҳам дўзоҳда белгиланган жазоси бўладими? Балки биз ҳам у боланинг ўрнида бўлганимизда ҳақ йўлни билолмай ўтиб кетган бўлмасмидик?
– Ва алайкум ассалом! Гап мусулмон оилада ёки ғайридин оиласида туғилишда эмас. Ҳақ етиб борганида уни қабул қилиш ёки қилмасликдадир. Мусулмон оиласида, диндор оилада туғилиб ҳар куни ҳақни эшитиб уни қабул қилмасдан кофир ва мушрик бўлиб ўлиб кетаётганлар қанча. Бутпарастни хонадонида туғилиб катта бўлиб, ҳақни қидириб, топиб мусулмон бўлиб вафот топаётганлар қанча.
عَنْ تَمِيمٍ الدَّارِيِّ ، قَالَ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ , يَقُولُ : " لَيَبْلُغَنَّ هَذَا الدِّينُ مَا بَلَغَ اللَّيْلُ وَالنَّهَارُ ، وَلا يَتْرُكُ اللَّهُ عَزَّ وَجَلَّ بَيْتَ مَدَرٍ وَلا وَبَرٍ إِلا أَدْخَلَهُ اللَّهُ هَذَا الدِّينَ ، بِعِزِّ عَزِيزٍ أَوْ بِذُلِّ ذَلِيلٍ ، عِزٌّ يُعِزُّ اللَّهُ عَزَّ وَجَلَّ بِهِ الإِسْلامَ ، أَوْ ذُلٌّ يُذِلُّ بِهِ الْكُفْرَ. رواه أحمد
Тамим Дорий розияллоҳу анҳудан ривоят қилинади:
"Мен Расулуллоҳ соллаллоҳу алайҳи васалламнинг : “Бу дин тун ва кун етиб борган жойнинг ҳаммасига албатта етиб боради. Аллоҳ шаҳар, қишлоқдаги ва чўлдаги уйларни бирортасини ҳам қолдирмай уларга бу динни киргазади. Азизни азиз бўлиши билан ва хорни хор бўлиши билан(динга кирган киши) бир азизликдир. Аллоҳ у билан Исломни азиз қилади. (қабул қилмаган киши) Бир хорликдир, Аллоҳ у билан куфрни хор қилади” деяётганларини эшитдим".
Аҳмад ривояти.
Расулуллоҳ соллаллоҳу алайҳи васалламнинг ушбу ваъдаларига биноан ҳозирги кунда ҳар бир хонадонга огоҳлантирувчи кириб келиб бўлган. Хонадон аҳлига огоҳлантирувчига эътибор бериш ёки бермаслик қолган холос. Илм олишга имкони бўла туриб, имл олмаган ва унга амал қилмаган киши билиб туриб амал қилмаган киши, билан баробардир. Қиёматда “мен билмаганман” деган гапи ўтмайди. Ҳозирги кунда эса дин кириб бормаган жой, хонадон ва у ҳақида эшитмаган инсон қолмади. Валлоҳу аълам!
