"Тафсири Ҳилол" китоби

Ассалому алайкум Шайх ҳазратлари!Ҳурматли устоз Аллоҳ таолога ҳамду санолар, суюкли Пайғамбаримиз МуҳаммадМустафо с.а.w саловат ва саломлар бўлсин! "Сунний ақийдалар" китобингиз қайта нашрдан чиқди. Бундан мен қатори кўплаб мусулмонлар ҳам бахраманд бўлишди. Устоз "Тафсири Ҳилол" китоби ҳам қайта нашрдан чиқишини жуда катта интизорлик билан кутяпман. Бу борада Сизга ва бунга мутасадди бўлган шахсларга Аллоҳ таолодан ёрдам ва мадад сўрайман. Ушбу китобингиз яна нашрдан чиқадими? Бу фақатгина менинг истагим эмас кўплаб мусулмонларнинг ҳам орзу-истагидир Валлоҳу аълам. Кўплаб араб тилини билмайдиган мусулмонлар, ўз тилимизда ёзилган китобларингиздан фойдаланиб, динимизни ўрганяптилар ва унга амал қиляптилар. Бераётган манфаатли илмингиздан вафот этганингиздан кейин ҳам савоб етиб туради иншааллоҳ! Устоз биз ва аҳли оилангиз бахтига доимо соғ-саломат бўлинг!