Яна тармоқли маркетинг

Ассалому алайкум! Мен бир йил муқаддам Орифлейм компаниясига ёзилиб ишлай бошладим. Бизга "Мусулмонлар Идораси томонидан ва Шайхимиз аёллари томонидан Орифлейм иш бошқаруви халол деб фатво олганмиз" дейишди. Мисрда ва бошқа мусулмон давлатларида ишлаш ишлашга рухсат берилган дейишганди. Мен кўнглим хотиржам бўлиб бир неча ой ишлаб юрдим. Одам таклиф қилиб команда бўлиб ишлаб, юқори поғонага чиқдим(Аллоҳ кечирсин). Аммо бир куни сайт орқали бу мавзуга қизиқиб кўрсам асло бу хақида гап сўз йўқ. Хазрат тармоқли маркетингни хар қандай тури жоиз эмас деганлар. Бу хақда билганимдан кейин бу ишдан воз кечдим. Аллоҳ кечирсин. Мен таниган яқин инсонларимга хам бу хақда айтдим. Яқинларимни хам бу ишдан қайтармоқчи бўлдим. Тармоқли маркетингдаги 10 та ёлғони хақида хам кўрсатиб ўтдим. Лекин улар менга ишонишмади. Бош спонсорлар бу иш тузилиши асло пирамида эмас қуёш(солнышка)бўлиб ишланади. Бизда хаммаси халол дейишди. Айтишларича, ҳазрат бизга рухсат бермаганлар, аммо Мисрдаги бошқа уламолардан ишлаш жоизлиги хақида фатво олинган ва қуйидаги гапларни айтишган. "Ассалому алайкум. Мен бу масалада ўз фикримни ўқиган ва билганларимни кенгайтириб этиб бермоқчиман. Бу масалада мен фатво чиқаришга ёки аниқ йўқ ва ха деб айтишга хақли эмасман. 

Билганларим шулардан иборат: Саволлар ислом уз сайтида берилган хамма саволларга, “бу жоиз эмас” ёки “халол эмас сетевой маркетинг” дея умумий жавоб берилган. Сабаби хеч ким Раҳматли Шайҳ Мухаммад Содиққа ёки сайт тахририят аҳлига мукаммал ва тўлиқ тушунтириб бермаган маркетинг планни. Орасида орифлеймда ишлаш ҳалолми деган саволга “Менда бу корхона хақида маълумот йўқ” жавоб берганлар. Сетевой маркетинг дунё миқиёсида харом ёки халол қилишга оид 4 та талабга жавоб бериши керак. 

а. Товар ва хизмат борлиги 

б. Дистрибьютор ўзи тақдим қилаётган товар ёки хизматдан фойдаланиши. 

в. Махсулот сифатли ва фойдали ва Исломда таъқиқланмаган таркибга эга бўлиши 

г. Даромад фақат одам чақиришдан эмаслиги (товар сотишдан фойда қолиши, арзонга ўзига харид қилиши) Харом қилинган сетевой маркетинг; 

а. Товарни мавжуд эмаслиги ёки хар жойда сотиладиган товарлардан фарқи йўқлиги ва ундан қиммат сотилиши, бу молия пирамидаси хисобланади 

б. Пул дистрибьютерга товар обороттан эмас балки янги чақирилган одамлар учун тўлаб берилса 

в. Биринчи келиб олгандан даромадингизни ошира олиш имконияти мавжуд эмаслиги яъни қанча харакатингиздан қатъий назар 

г. Керак бўлмаган товарга тўланган ёки даромад илинжида берилган пул йўқотиш хавфи бўлса. Бу уларнинг гаплари. Илтимос сизлардан, бу хақда батафсил ёритиб беринг. Ёки мен адашяпманми? Маслахатингизга мухтожман.