Исм оғирлик қиладими
Ассалому алайкум! Яқинда Аллоҳ таоло ўғил фарзанд ато этди. Аллоҳ таолога хамду санолар бўлсин. Ўғлимга яхши ниятлар билан Абдуллоҳ деб исм қўйдик. Болага исм оғирлик қилиши мумкинми?
– Ва алайкум ассалом! Исмни ҳам оғир ёки енгили бўладими? Бўлиб ҳам Аллоҳга энг суюкли бўлган Абдуллоҳ исмини ҳам. Бизга шу каби саволларни берувчиларга Аллоҳ ақл берсин.
عَنْ أَبِي وَهْبٍ الْجُشَعِيِّ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: تَسَمَّوْا بِأَسْمَاءِ الْأَنْبِيَاءِ، وَأَحَبُّ الْأَسْمَاءِ إِلَى اللهِ عَبْدُ اللهِ وَعَبْدُ الرَّحْمَنِ، وَأَصْدَقُهَا حَارِثٌ وَهَمَّامٌ، وَأَقْبَحُهَا حَرْبٌ وَمُرَّةُ. رَوَاهُ أَبُو دَاوُدَ وَالنَّسَائِيُّ. وَاللهُ أَعْلَى وَأَعْلَمُ
Абу Ваҳб ал-Жушаъий розияллоҳу анҳудан ривоят қилинади:
«Набий соллаллоҳу алайҳи васаллам:
«Анбиёларнинг исмлари ила номланинглар.
Аллоҳ учун исмларингизнинг энг маҳбублари Абдуллоҳ ва Абдурроҳмандир. Энг содиқ исмлар Ҳорис ва Ҳаммамдир. Исмларнинг энг қабиҳи Ҳарб ва Муррадир», дедилар».
Абу Довуд ва Насаий ривоят қилганлар. Аллоҳ олий ва билгувчидир. Валлоҳу аълам!
