Заргарлар хақида

Ассалому алайкум! 6343-саволда бир-оз англашмовчилик юзага келиб, жавобдан келиб чиқиб, барча (шу жумладан Аллоҳдан қўрқувчи, бировнинг хаққидан эхтиёт бўлувчи) заргарлар хам ёмон отлиқ бўлиб қолибди. Илтимос саволнинг нотўгри берилганлигини инобатга олиб, заргарлар шаънини оқлашда ёрдам берсангиз. Саволдаги хатолик шу-ки, хомашё олтин (золото лом) нархи ва заргарлик буюми (за грамм изделия) нархи деган икки хил ўлчов бирлиги мавжуд. Заргарлик буюми сотиб олинганда, харидор пулни "фалон грамм заргарлик буюми"га тўлайди, яъни буюмда кўз, тош, буёқ (эмаль) ёки бошқа безак қисми хам бўлиши мумкин ва буни харидор кўриб / билиб туради. Саволда келганидек - олтинга (золото ломга) деб пул тўламайди. қолаверса, саволда, 1 грамм тилло (золото лом) ва тайёр заргарлик буюми (за грамм изделия) бир хил нархдан хисобланган ва уста иш хаққиси шубха остига олинган. Натижада тушунмовчилик юзага келган. Илтимос, жавобни телеграм каналида хам чиқарсангиз. Харидорларга манфаът бўлса.