Таяммум мумкинми?
Ассалому алайкум! Бувижоним 5 махал намоз ўқийдилар, Алхамдуллилах! Охирги пайт тахорат қилсалар, оёқлари ва қўллари қаттиқ оғрияпти. Тахоратни ўрнига таяммум билан ўқисалар мумкинми?
– Ва алайкум ассалом! Ювиш фарз бўлган аъзолардан кўпроқ қисмини ювса зарар қилса таяммум қилиш жоиз. Озроқ қисмини ювса зарар қилса кўпроқ қисмини ювади, озроқ қисмига масҳ тортади. Масалан юзни ювса зарар қилмаса, бир қўл ва бир оёқни ювса ҳам зарар қилмаса кўпроқ қисми ювса жоиз ҳисобланар экан. уларни ювади бир қўл ва бир оёққа масҳ тортиб олаверади. Агар икки қўл ва икки оёқни ҳам ювса зарар етадиган бўлса юзни ҳам ювмасдан таяммум қилиб олади. Агар бир мартадан ювса зарар қилмаса ҳамма аъзони бир мартадан ювса ҳам таҳорат адо бўлади. аъзолардан 1 2 томчи сув оқадиган даражада ювилса кифоя. Валлоҳу аълам!
