Намоз ва иш
06:57 / 05.09.2014 | Aziza78 | 3098
Ассалому алайкум, ҳурматли Шайх Ҳазратлари! Менинг жияним анча йилдан бери намозхон. Яқинда Олийгоҳни тамомлади. Ҳозирда бирор жойга ишга кира олмаяпти. Ота-оналари не ҳасратда контракт асосида уни ўқитишди. Диплом бўйича ишлагин дейишяпти. Ҳозир мутаҳассислиги бўйича ёки давлат ишига (деплом бўйича) кирай деса, намоз ўқишга бирортаси рухсат бермаяпти. У “фақат туриб (имо ишора билан эмас) 5 маҳал ўқиш мумкин бўлган жойда ишлайман” деяпти. Нима қилиш керак?
Шайх Муҳаммад Содиқ Муҳаммад Юсуф роҳимаҳуллоҳ:
Иш жойида намоз шарт эмас. Худи иш жойида таом ейиш шарт бўлмагани каби. Агар ишда таом емайсан деса, дам олиш пайтида ва бошқа ҳар хил услуб билан таом ейишни йўлга қўяди ўша одам. Намозни ҳам дам олиш пайтида масжидга бориб, ёки бошқа иложини қилиб ўқиб олса бўлади. Ҳозир кўпчилик шундай қилишмоқда. Бу одам ишламасликка баҳона ахтармоқда, холос.
