Зино
Ассалому алайкум! 1 Устозлар. Аллоҳимни изни билан менга ёрдам беринг. Мен шундай бир улкан гунох килдимки озимни энди жаханнамга тушишимни 100% хис килдим. У гунох ЗИНО эди 3марта килдим 1 ойда. Ачинарлиси мен 5вакт намоз укийман . Лекн негадир шайтон мени каттик итарди. Энди Аллоҳим мени кечирмайдими. Ахр мен у гунохни килаётганимда Аллоҳим мени кораётганидан киёмат азобидан гафлатда емас едим билардм. Хатто зино килаётган пайтим ёмонлигини билиб йигладм йиглаб зино килдим озимни тохтатолмадм. Алхамдулиллах Мен йиглаб тавбалар килдим. Энди мен "Аллоҳим мени кечирди ишонаман" деган хулосада колиб Аллоҳга такво килиб юрсам боладими. Аллоҳим мени кечирмаса нима киламан.. Негадир нафсим болди Аллоҳ сени кечирмайди ахр бу кабираку деябди. Нима килишимни билмай колдм. Лекин аник 100% ишончим комил. ИншаАллоҳ бу гунохга кайтмаслигимга ишонаман. Кимки эркак ёки аёлни оркасига якинлик килса у одамга Аллоҳ таоло киёмат кунида назар хам солмайди деган хадисни укиб колдм. Зино бу карз тўғри энди озимга хам зино килгани тушса керак. Лекин мен каттик тавбалар килсам хам Аллоҳ покизасини бермаса керак ахр оят борку. Зинони ювувувчи бирор амал борми шу хакда хадис борми айтинг мен шу ишни киламан. Мен умид килолмаябман жаннатга киришимга. 2-дан уйланишимга шароитхам ёк рухсат хам беришмаябди. Жуда коркябман
– Ва алайкум ассалом! Инсонларнинг жаннатга кириши Аллоҳнинг фазли билан бўлади. Аллоҳни фазлидан ноумид бўлманг. Аллоҳ таоло "Зумар" сурасида марҳамат қилади:
قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
53. (Менинг номимдан) айт: «Эй ўз жонларига исроф қилган бандаларим, Аллоҳнинг раҳматидан ноумид бўлманг! Албатта, Аллоҳ барча гуноҳларни мағфират этар. Албатта, Унинг Ўзи ўта мағфиратлидир, ўта раҳмлидир».
Имом Бухорий Саъийд ибн Жубайр розияллоҳу анҳудан келтирган ривоятда айтилишича, кўплаб гуноҳлар қилган бир гуруҳ мушриклар Расулуллоҳ соллаллоҳу алайҳи васалламнинг ҳузурларига келиб:
«Албатта, сен даъват қилаётган нарса жуда ҳам гўзал. Қани, айт-чи, биз қилган нарсаларни ювадиган нарса ҳам борми?» – деб сўрашганида Аллоҳ таоло ушбу ояти каримани нозил қилган экан.
Тафсирчи уламоларимизнинг таъкидлашларича, бу ояти карима Қуръондаги энг умидворлик ояти ҳисобланади. Бу оятда бандалар учун энг улуғ башорат бор.
Аввало, Аллоҳ таоло:
«Эй ўз жонларига исроф (жавр) қилган бандаларим», – деб, бандаларига Ўз нисбатини бермоқда.
Аслида, «исроф» деб мол-дунёни ортиқча сарфлашга айтилади. Шунингдек, бу сўз маънавий жиҳатдан ҳаддан ошишга нисбатан ҳам ишлатилади. Бинобарин, гуноҳ қилган одам исрофчи бўлади, чунки у Аллоҳ белгилаб қўйган ҳаддан (чегарадан) чиққан ҳисобланади. Гуноҳ туфайли ҳаддидан ошган одам ўзига зарар, жабр қилади. Аллоҳ таоло ушбу оятда бандаларининг гуноҳ сабабли исрофга йўл қўйиб, ўзларига жабр этишларини айтмоқда.
«…Аллоҳнинг раҳматидан ноумид бўлманг!»
Унинг раҳмати жуда кенгдир.
«Албатта, Аллоҳ барча гуноҳларни мағфират этар».
Аллоҳ таоло «Нисо» сурасида ширкдан бошқа барча гуноҳларни мағфират этишини таъкидлаган. Чунки,
«Албатта, Унинг Ўзи ўта мағфиратлидир, ўта раҳмлидир».
Тавба қилган бандаларнинг гуноҳларини кечиради.
Муфассирларимиз, аввал айтиб ўтилганидек, ушбу ояти каримани Аллоҳнинг Китобидаги энг умидли оят, деб таъкидлайдилар ва, шу билан бирга, бу умид гуноҳга ташвиқ этувчи умид эмаслигини ҳам қаттиқ уқтирадилар. Яъни «Аллоҳ барча гуноҳларни кечиради» деган умид билан била туриб, гуноҳларда давом этишнинг фарқи бор. Бу оятда Аллоҳнинг қонун-қоидаларини билмасдан аввал гуноҳ қилиб юрганлар мағфиратдан умид узмасликлари кераклиги айтил¬япти. ("Тафсири Ҳилол" китобидан). Валлоҳу аълам!
