Қарздан воз кечиш
23:07 / 04.11.2020 | Науфаль Усманов | 1573
Ассалому алайкум! Биз "инстаграм" тармоқли тизими орқали савдо билан шуғулланамиз. Хозирги кунда конкурслари орқали инстаграмдаги подписчиклар сонини кўпайтириб берадиган одамлар бор. Шунақа конкурсда биз қатнашиш учун пул тўлаган эдик. Лекин у конкурс малум бир сабабларга кўра бўлиб ўтмади. Эндиликда биздан пул олган одамлар биз берган пулни 70% қайтариб беришди, қолганини қайтариб беришмаяпти, қўнғироқ қилсак бир неча марта қайтарамиз деб қайтаришмади. Хозир эса қўнғироқларимизга жавоб беришмаяпти Саволимиз шуки: биз қолган пулдан Аллоҳ учун деб воз кечсак бўладими ёки нима қилиб бўлса хам қолган пулни қайтариб олишимиз керакми?
«Зикр аҳлидан сўранг» ҳайъати:
– Ва алайкум ассалом! Аввало қиморбозлик қилманглар. Қимор ўйнашни Аллоҳ Қуръонда ҳаром қилган. Валлоҳу аълам!
