Ёлғон

Ассалому алайкум! Ёлғон катта гуноҳлигини яхши биламан,лекин шунга мажбур бўлиб қолаяпман.Мен оилада ўртача фарзандман,шунинг учунми хоҳлаган ишимни унчалик қила олмайман.Оиламизда диний тарбияга асосланган муҳит деярли йўқ,бу баҳона эмас шунчаки айтаяпман. Диний китобларни ота-онамга билдирмай ўқишга тўғри келаяпти,чунки сал ортиқча ҳаракат бўлса,"чуқурлашиб кетаяпсан"дейишади.Аслида мен билганларим денгиз томчисидан ҳам 100 марта кам.Хуфтон намозини ҳам ота-онамга намоз оғирлик туйилмасин деб,кечаси хонамни қулфлагандан кейин ўқияпман,бу ҳам бир ёлғон.Гоҳ-гоҳида бирон нарсани баҳона қилиб масжидга бориб тураман,бу ҳам ота-онани алдаш.Динга оид видеоларни кўп кўришимни ҳам менимча билишмайди. Ҳуллас шунақа гаплар,қилаётган ишим жоизми,гуноҳкор бўлиб қолмаяпманми? Албатта,ҳидоят фақат Аллоҳдан,лекин қандай қилиб мен ҳам оила аъзоларимни ҳидоятга чорлашим мумкин?