Мерос бўлинаётганда фарзандларни ҳолати
Ассалому алайкум! Мерос бўлинаётганда фарзандларни ҳолати инобатга олинадими? Масалан шароити борларга камроқ шароити камроқларга кўпроқ қилиб ажратиш мумкинми? Ёки ҳар қандай ҳолатта шариатдаги кўрсатма билан бўлинадими? Масалан отам 3 та ўглим борлиги учун ер жой керак деб ерларини малум миқдорини ўз нархидан ярмига сотганлар ярми қизимми ҳаққи деб бердилар. Шунда синглимга ҳам ўша ерни қанча суммасини менга мерос деб берган бўлсалар ўша суммани беришлари керакми? Аслида ажратадиган пуллари йўқ. Синглимни эса ер сотиб олишга (ярим нархичалик суммаси) ҳам пули йўқ. Шунда қандай йўл тутилади?
– Ва алайкум ассалом! Тириклигида меросни тарқатаётган бўлса бу ҳадя бўлади. Ҳадяни фарзандларнинг ҳолига қараб бераверади. Яхши кўргани учун бойга кўп, ёмон кўргани учун ночорга кам берса албатта адолатсизлик бўлади. Вафот топгандан кейин бўлинадиган бўлса албатта шариат тақсимлаганидек қилиш керак. Валлоҳу аълам!
