Ўғирлаган маълум бўлса...

Алҳамдулиллаҳи роббил аламийн, вассолату вассаламу ала хойри холқиҳи Муҳаммад ва ала алиҳи ва асҳабиҳи ажмаийн. Ассаламу алайкум ва роҳматуллоҳи ва барокатуҳ, муҳтарам устоз. Ижозатингиз ила саволимни йўлласам: мен компьютер ва унга боғлиқ қурилмаларни тузатиш ва шу каби ишлар билан шуғулланаман. Шу сабабдан бир мижоз мендан ўзининг йўқотиб қўйган тахминан 200 - 250 $ турадиган телефонини топиб беришимни сўради ва телефонининг барча ҳужжатларини менга берди. Чунки, баъзида йўқолган телефонни махсус усуллар билан топиш имкони бўлади. Аммо иш махсус усулларгача бормади. Бир-икки кишидан суриштириб билсам, телефонни қўшним ўғирлаган экан. Ва сотиб юборишга ҳам улгурибди. Телефонни эгаси намозхон бола, қўшним эса туппа-тузук болага ўхшайди-ку, лекин бенамоз, ичадиган... Керакли жойга айтиб берай десам, ҳомиладор аёли бор қўшнимнинг, шуни ўйлайман. Шу ҳолга бошим қотиб қолган, устоз, маслаҳатингизга муҳтожман. Шу ҳолатда шариат мани нимага буюради? Саволимни чўзиб юборганимдан хижолатдаман, ниятим ҳолатни тасвирлаш эди... Аллоҳ субҳанаҳу ва таъаладан сизга барча яхшиликларни сўраб Москвадан ғойибона шогирдингиз Дилшод. Ассаламу алйкум ва роҳматуллоҳи ва барокатуҳ.