Мусофир ишчи рўза тутмаслги учун узр борм

Ассалому алайкум.Муҳтарам Устоз, биз Россияда ишлаймиз. Муборак ой яқинлашганда рамазон рўзасини тутишда бизнинг ҳолатимизда узр борми деган саволга жавоб изладик. Ҳамхоналаримиздан бири бу тўғрисида Ислом Университетида ўқийдиган қариндошидан сўраганини, у эса устозига мурожаат қилганини айтди. У киши бизнинг ҳолатимизда узр борлигини ва қайтгандан кейин қазосини тутиб беришимиз кераклигини айтибдилар. Билишимизча биз, намоз ва рўза масаласида мусофир ҳукмига тушмаймиз. Бу савол бизнинг ишчи сифатида эркимиз чегараланганини таъкидлаган ҳолда берилди ва у биродаримизнинг устозлари шуни ҳисобга олиб жавоб бергандирлар. Биз ғайримуслим иш берувчи қўлида ишлардик ва табиийки унга ўз шартларимизни қўёлмасдик. Кунлар узун ва иссиқ эди (Сочи шаҳри). Рамазон ойида ватанга келиб кетиш эса учоқ билети ва бошқа харажатлар билан қимматга тушарди. Шундай қилиб, ҳар биримиз тақво ва ғайратимизга, ҳолатимизга, иродамизга қараб турли миқдордаги кунларда рўза тутдик. Мана энди қиш фасли келганда тутмаганимиз рўза кунларини қазоси сифатида тутсак бўладими ёки бу ҳийла бўлиб қоладими? Ўзи бизга у талаба биродаримизнинг олиб берган жавоби тўғрими? Ҳозир шу саволни аввал бошда сизга бермаганимдан афсусдаман...