Қарз рўза ҳақида
14:53 / 19.01.2019 | Adiba | 3153
Ассалому алайкум! Ҳомиладорлик ва эмизиклик даврда тута олмаган қарз рўзаларимни душанба, пайшанба кунларида тутиб тураман. Саҳарлик қилгани баъзида туролмайман. Бамдодга турганда нарса емасдан ният қилиб оламан.
1) Саҳарда овқат ейишим шартми ёки отаррўза тутсам бўладими?
2) Қарз рўзамниям хўжайинимдан рухсат сўраб туришим керакми?
«Зикр аҳлидан сўранг» ҳайъати:
- Ва алайкум ассалом! 1). Саҳарлик ейиш ва овқат ейиш шарт эмас. Эртаси куни рўза тутадиган кечада саҳарлик вақтигача “эртага рўзаман” деб ният қилиб олишингиз шарт. Бу ниятни шомдан кейин бамдод вақтигача қилиб олсангиз бўлди. Бамдоддан кейин қилган ниятингиз нафл бўлиб қолади.
2). Қазо рўзани тутиш учун эрдан рухсат шарт эмас. Валлоҳу аълам!
