Ҳомиладор аёл зиёратгоҳларга борса бўладими
16:17 / 26.05.2021 | Mohinur | 1466
Ассалому алайкум! Мен ҳозирда 3 ойлик ҳомиладорман. Яқинда оилавий Самарқанд, Бухоро ва Хива шаҳарларидаги зиёратгоҳларни зиёрат қилгани бориш ниятидамиз. Саволим шуки, ҳомиладор аёл зиёратгоҳларни зиёрат қилса бўладими? Қайнонам: " Сизга мумкин эмас. Бола сочиниёз бўлади. Бола туғилгандан кейин бир қўй сўйиб сочини ўша зиёратгоҳда олинмаса болага зиён беради"- деб айтяптилар. Бу гапларда қанчалик жон бор. Ёки бу ҳам бир ирим-сиримми?
«Зикр аҳлидан сўранг» ҳайъати:
– Ва алайкум ассалом! Сизни саволингиз ҳам қайнонангизни гапи ҳам ноўрин. Қабрларни зиёрат қилишда аёлларга ҳам рухсат берилган. Борилса ҳам ўтганларни ҳаққига дуолар қилиб, “Аллоҳим бизни фарзандларни ҳам шу олимлар каби бўлишларини насиб қилгин” дейишдан у ёғига ўтишингиз жоиз эмас. Валлоҳу аълам!
