Боғчадаги болалар ҳаққини қайтариш
07:40 / 21.06.2021 | Nazarbek | 1239
Ассалому алайкум! Бувим Совет Итифоққи даврида анча муддат болалар боғчасида мудира бўлиб ишлаганлар. Шу даврда, бировнинг ҳаққи эканига эътибор бермай, боғчадаги озиқ-овқатлардан ўз уйларида ҳам истемол қилишган, кам таминланган оилаларга ҳам бериб турганлар. Бу ҳолат кўп такрорланмаган. Шунинг учун тахмиман қанча озиқ-овқат олганларини биладилар килограмм ҳисобида. Ҳозир ҳам ўзлари ишлаган боғча ишлаб турибди. Шу қарзларини, қарилик нафақаларидан ҳисоблаб, шу боғчага, қарзим ўрнига деб ҳисоблаб олиб бориб берсалар, қарзлари бўйинларидан соқит бўладими?
«Зикр аҳлидан сўранг» ҳайъати:
– Ва алайкум ассалом! Энди ўша даврдаги эгаларини топиш керак. Ўшаларни топиб беради. Топганича топади, қолганларини номидан эҳсон қилади. Валлоҳу аълам!
