ЛГБТ ни қувватлайдиган компания филиалида ишлаш
Ассалому алайкум! Ҳозирги кунда кўплаб компаниялар ўзларини ЛГБТни қувватлайдиган қилиб оммага намойиш этишмоқда. Гооогле, Фасебоок ва бошқа халқаро компаниялар шу жумладан. Биз мусулмонлар шу компанияларнинг Ўзбекистондаги филиалида ишлаб топган пулимизнинг ҳукми қандай бўлади? Халқаро компаниянинг Ўзбекистондаги филиали ўзини ЛГБТ тарафдори деб атамаган бўлган ҳолатда.
– Ва алайкум ассалом! Олган пулингизни ҳукми компания ЛГБТнинг тарафдорими ёки йўқлигидан қатъий назар қиладиган ишига боғлиқ. Агар компаниянинг фаолияти шариатда ман қилинган ҳаром иш бўлса, ЛГБТни тарафдори бўлмаса ҳам ишлашингиз жоиз бўлмайди. Агар ташкилот мубоҳ бўлган иш билан шуғулланса ва сизнинг ишингизга ҳаром аралашмаса, агар ЛГБТнинг тарафдори бўлса ҳам ишлашингиз жоиз. Чунки асли эгаси кофир, фосиқ ва фисқу фасодни қўллайдиган бўлса ҳам, мубоҳ ишларда ишлашингиз жоиз. Албатта тақво қилганингиз афзал бўлади. Валлоҳу аълам!
