Жума куни сафарга чиқиш
Ассалому алайкум! Жума намозидан сўнг сафарга чиқиш макруҳми? Нима сабабдан макруҳ. Мен шундай деб эшитган эдим. Шу гапим қанчалик тўғри?
– Ва алайкум ассалом! Жума намозидан кейин сафар қилиш макруҳ эмас. Жума кунидаги сафар бир неча ҳолатда бўлади:
1). Жума куни бомдод намозидан олдин; Уламолар шу вақтда сафарга чиқишни жоизлигига иттифоқ қилишган.
2). Бомдоддан кейин заволдан олдин; Ҳанафий мазҳабида сафарга чиқиш жоиз.
3). Заволдан кейин Жума намозигача; Уламолар шу вақтда сафарга чиқишни ҳаром эканига иттифоқ қилишган. Фақат агар шерикларидан қолиб кетиш хавфи бўлса, жоиз бўлади. Бунга самолётнинг ўша вақтдаги учишлари ҳам киради, агар бошқа вақтга имкон бўлмаса.
4). Жума намозидан кейин; Бу вақтда сафар чиқишнинг зарари йўқ. Валлоҳу аълам!
