Шайхдан муаллифлик ҳуқуқидан фойдаланишга рухсат сўраш...

00:00 / 02.02.2007 | eski savollar | 3542

Ҳурматли шайх ҳазратлари авваламбор сўрамасдан туриб қилган ишим учун олдиндан узр сўрайман. Қилган ишим шундан иборатки, бир ўртоғимни эртага Жума намозига олиб чиқмоқчи эдим. Унга ёдлаши учун сано, ташаҳҳуд ва саловатларни тайёрлаб қўяман деб ваъда бердим. Уйни қарасам дадамга олиб келиб берган намоз ўқишни ўргатадиган китоб йўқ. Бугун пайшанба, кечқурун бўлгани учун китоб сотиб олиб келишни иложисини қила олмадим. Ҳадис ва ҳаёт китобиздан қараб 189-190 бетдаги намоз ўқиш тартиби ва саловотни компьютеримда ўртоғим уйимга келгунча ёзиб тайёрлаб қўйдим. Келгандан кейин қоғозга чиқариб бервордим. Сиздан сўрамоқчи бўлганим розилигиз. Илтимос. Бошқа йўл йўқ эди. Рози бўласиз деган умиддаман? Сиздан Аллоҳ рози бўлсин ва Ўз паноҳида асрасин!

Шайх Муҳаммад Содиқ Муҳаммад Юсуф роҳимаҳуллоҳ:

Агар шу тарийқа кишиларга намоз ўқитадиган бўлсангиз, яъни кишиларнинг намоз ўқишига сабабчи бўлсангиз, бизнинг барча имкониятларимиз сизнинг хизматингизда. Аллоҳ хайрингизни берсин ва сизга ўхшаш мухлисларнинг ададини кўпайтирсин!