Намозда қўлларнинг ҳолати
13:06 / 21.09.2021 | Believer | 962
Ассалому алайкум! Намозда қўлни киндик пасига қўйиб ўқишлик керак экан. Ҳаж ва Умрадаги имомларнинг кўплари қўлларини юқорига, яъни киндикдан тепага қўйиб ўқишади. Бир инсон айтишларича у ердаги имомларнинг кўпи ваххобий экан шунинг учун Ҳаж ва Умрага борганлар эҳтиётдан қайтиб намоз ўқиб олиши керакми?
«Зикр аҳлидан сўранг» ҳайъати:
– Ва алайкум ассалом! Ўша "бир инсон"ни гапларига эътибор берманг. Намозда қўлни киндик остига ёки устига қўйиш мазҳаблар орасидаги ихтилофли масала, ҳар мазҳабнинг ўзини далили бор бўлиб, у билан намоз бузилмайди ҳам қайта ўқишга эҳтиёж ҳам бўлмайди. Валлоҳу аълам!
