Нохақ қарғиш

Ассалому алайкум! Дадам ва бувим намозхон. Аммо иккиси хам кўп йиллардан бери бир-биридан норози. Бунга сабаб бувимнинг ноҳақ қарғишлари. Дадамни ҳар куни ҳар қандай гаплар билан қарғайди. Хатто дадам жуда асабийлашганлиги туфайли халқ тилида "пес" касаллигини хам орттирди. Дадам "қарғайверманг, мен сизни укаларингизни ғирт ароқхўр, келиним ва аёлимга ёмон гаплар айтгани учун уйга келмайдиган қилдим" деса, бувим қарғаганини тан олмайди. Хаммамиз қатори тўкин-сочинликда яшашади, лекин бошқа фарзандларига дадамни кун бермасликда, таом бермасликда айблайди. Яқинда дадамнинг акаси "она, юринг буни устидан ёзамиз" дея бувимни олиб кетди. Бундай вазиятда ким ҳақ, ким ноҳақ, биз қандай йўл тутайлик. Минг бор узр, мен дадамга рахмим келганлиги учун сиз азизларга шу саволни бердим.