Ғайридин қўшни

Аллоҳ қилаётган хайрли ишларингизга кўплаб ажр савоблар берсин. Сизни қуйидаги савол билан безовта қилишга ижозат берсангиз. Мен чет элда яшайман, қўшним мусулмон эмас. Аммо жуда хушмуомала аёл бўлгани учун, олди берди қилиб турамиз. Аниқроқ қилиб айтсам, у бизга гоҳида мева чевалар, ширинликлар чиқариб туради(бизни мусулмонлигимизни, таомланишда эҳтиёткорлигимизни билиб, шунга қараб иш тутади). Мен ҳам ўрнига миллий таомларимиздан, турли емишлардан бериб тураман. Бир кун одатдагидек ширинлик чиқариб бердим ва орадан бироз ўтиб уйига тасодифан мен берган ширинликни будда ҳайкали олдига қўйиб қўйганига кўзим тушиб қолди. Бу ҳолатда гуноҳкор бўлиб қолмадимми? Бундан сўнг қандай йўл тутишим керак? Жавобингиз учун олдиндан ташаккур!