Бир дақиқалик сукут сақлаш
08:52 / 10.12.2013 | bioanatom-11 | 3481
Шайх ҳазратлари. Ҳозирги пайтда кўпчилик инсонлар тирикчилик қилиш мақсадида Россия ва шунга ўхшаш ғайри динлар ҳам яшайдиган давлатларда ишлашади. Бермоқчи бўлган саволим шуки, уларнинг яъни, насороларнинг одатига кўра бирор кимса оламдан ўтса бир дақиқалик сукут сақлашади. Мусулмон киши шундай пайтларда уларга қўшилиб ўрнидан туриб, сукут сақласа бўладими?
Шайх Муҳаммад Содиқ Муҳаммад Юсуф роҳимаҳуллоҳ:
Сукут сақлаш насоро динидаги одат бўлиши ёки баъзи қавмларнинг ўйлаб чиқарган нарсаси бўлиши мумкин. Мусулмон одам бошқа динда ибодат ёки рамз бўлган нарсаларни қилиши мумкин эмас.
