Юзга чиқиб кетган соқолнинг ҳукми
00:16 / 20.12.2021 | الاسلام | 1673
Ассалому алайкум! Юзнинг соқол чиққадиган қисмининг тепасидан ҳам соқол чиқиб кетса (ёки соқолга ўшаш қора лекин узунроқ туклар чиқиб кетса) уларни қириш ҳам ҳаром ҳисобланадими? Ўзи соқолни қандай ўса шундай қўйиш керакми ёки уларни тартиблаб олса ҳам бўладими?
«Зикр аҳлидан сўранг» ҳайъати:
– Ва алайкум ассалом! Соқол деб иякдан ва ходдан (яъни, икки юзнинг суяк бўртиб чиққан еригача бўлган қисмдан) ўсувчи тукларга айтилади. (Лисанул ъароб ва ат-Талхис фи маърифати асма ил-ашйа китобларидан).
Сиз айтаётган жойдаги туклар соқол дейилмайди ва уларни олиш жоиз. Соқолни тартиблаш ва чиройли қилиб юриш ҳам жоиз. Валлоҳу аълам!
