Келинни суриштириш
Ассалому алайкум! Уйланиш ниятида юрибман, ўзимизни туманимиздан 1 қизни суриштирдик уруғида наслий касаллиги бор экан (жиннига ўхшаш касаллик, аямни дугонаси шунақа ишда ишлайди, кимга келин топишса ҳам аввал шунақа касали борми, ёқми суриштиришади), лекин мен ҳеч ҳам динда касалликни суриштириш ҳақида эшитмаган эканман, пайғамбаримиз соллаллоҳу алайҳи ва саллам айтганларидек, диндор жуфт ҳалол танлаш ҳақида кўп эшитганман, шунга динимизда нима дейилган экан деб сизларга юзландим.
– Ва алайкум ассалом! Имом Ҳоким ривоят қилган ҳадисда “Нутфаларингиз (туғилажак фарзандларнигиз) учун яхшиларни танланглар. Тенгга никоҳланинглар ва уларга никоҳлаб беринглар” дейилган. Шунга кўра фарзанд туғадиган она ёки отани танлашга ўта аҳамият бериш шартлиги лозимлиги баён қилинган. Соғлик ва ахлоқий ҳолатига қараш керак. Валлоҳу аълам!
