Эко ҳолатида намоз
Ассалому алайкум! Биз эко қилдиряпмиз, 2 марта ўхшамади, 3 бор ҳаракат қилмоқчимиз. Экода эмбрион қўйилганидан сўнг, 12 кун давомида ўзини асраш ётиш керак. Намозларимни қазо қилмоқчи эмасман, тик турган ҳолда руку саждасиз ўқисам майлими? 2. Таҳорат қилгандим бундан олдинги эко уринишларда ҳам, балким таяммум қилсам ўзимни эҳтиёт қилармидим фақат 12 кун. Ижобий натижа булса яна таҳорат қиламан иншооллоҳ. 3. Аллоҳ нассиб қилса ҳомиладор бўлсам шу ой, рамазон ойи рўзасини тута олмайман, чунки экодан сўнг кунда 3 маҳал дори-уколкар қилиш керак. Қолдирилган рўзамни қазосини тутиб бераман ва ҳар кун учун фидя бераманми ёки каффорат рўза тутаманми?
– Ва алайкум ассалом! 1-2) Таҳоратни ҳам намозни ҳам мукаммал қилинг. Булардан бошқа фаолиятларни чекласангиз бўлади. Агар шу 12 кун ичида ҳомила ривожланиб кетишига руку сажданинг таъсири борлиги ва намозни вақтинча имо-ишора билан ўқиб туриш лозимлиги исботланса, шундай қилсангиз бўлади.
3) Агар ўша муолажалар ишончли табиб тарафидан зарурий деб топилса рўза тутмаган кунларингизнинг қазосини бошқа кунларда тутиб берасиз. Каффорот вожиб бўлмайди. Валлоҳу аълам!
