Ўқилган намоз
20:10 / 30.10.2022 | Diyor Islomov | 774
Ассалому алайкум! Агар бир киши фарз намозларидан бирини вақти киргач ўқиса ва ундан сўнг жамоат ҳудду шу намозни ўқиётганини кўрса жамоатга қўшилиб яна бир маротаба ўқиса бўладими нафл деб нийят қилиб? (Имомлик қила олмаслиги маълум).
«Зикр аҳлидан сўранг» ҳайъати:
– Ва алайкум ассалом! Бомдод, аср ва шом намозларида мумкин эмас. Пешин билан хуфтонда мумкин. Чунки бомдоднинг фарзини адо қилгач то қуёш чиққунича нафл ўқиш жоиз эмас. Асрнинг фарзини адо қилгач то қуёш ботгунича нафл ўқиш жоиз эмас. Шом намозига келсак, нафлни 3 ракат қилиб ўқиб бўлмайди. Валлоҳу аълам!
