Бомдодни қайта ўқийманми
18:33 / 02.04.2022 | Ibrohim | 1151
Ассалому алайкум! Мен баъзи вақтлар бомдодга турганимда, таҳорат қилганимда, мазий чиқади, яна таҳорат қилсам, яна чиқади ва бомдод вақти чиқиб қолай, деганлиги учун гарчи мазий чиққан бўлса ҳам, узрлиман деб бомдодни ўқийвераман. Лекин пешингача бу ҳолат менда тўхтайди. Шу ҳолатда ўқиган бомдодларимни қайтариб ўқийманми?
«Зикр аҳлидан сўранг» ҳайъати:
– Ва алайкум ассалом! Агар ушбу ҳолат бомдод вақти киришидан бошлаб то охиригача давом этса соҳиби узр ҳисобланасиз. Аммо бомдод вақтининг аввалида таҳоратингиз синмаган ҳолда намозни ўқишга имкониятингиз бўлган бўлса, намозларни қайта ўқийсиз. Валлоҳу аълам!
