Ғусл ва таҳорат

Ваалайкум ассалом! Бу жуда оддий нарса. Ғуслда таҳоратда ювиладиган аъзоларни ортиғи билан ювилган ҳисобланади. Ғусл мобайнида таҳорат синмаса қайта таҳорат олишга асло ҳожат йўқ. Ғуслни салқинлаш учун қилинадими, жанобатдан покланиш учун қилинадими, ҳайз ва нифосдан покланиш учун қилинадими фарқи йўқ. Худди шунингдек чўмилишга борган инсон сувга шўнғиши билан ҳам таҳорат аъло даражада қилинган бўлади. Шу ерда бир нарсага аҳамият бериш керак, Расулуллоҳ соллаллоҳу алайҳи васаллам ғусл тартибини таълим берганларида ғуслни таҳоратда ювиладиган аъзоларини ювиб олишдан бошлашни айтганлар. Чунки бирдан сувга шўнғишдан кўра таҳоратда ювиладиган аъзоларни ювиб, ҳатто оёқларни ҳам ювиб кейин шўнғишда инсон саломатлигига катта фойдалар бор. Қолаверса бу суннат амали бўлиб уни тарк қилиш ёки таркига одатланиш макруҳи таҳримий бўлади. Валлоҳу аълам!