Касби туфайли рўзадан узрликми?

Ассаламу алаикум! Бир дўстимнинг ҳолати: 1. Ерталаб ҳар куни 3:30 ларда туради ва ҳар хил дўконларга машинада юк ташийди. Иш соати одатда тушдан кейин 4-5 ларда тугайди, яъни тахминан 13-14 соат ишда бўлади 2. Иши юк ташиш бўлгани учун доим машинада дўконма дўкон юради, куннинг жазирама иссиғида терлаб пишиб ишлайди. 3. Йашайдиган жойи билан дўконларга тарқатадиган ҳудудгача масофа тахминан 45 минут ёки 1 соатлик йўл, машинада. 4. Менга жуда ҳам толиқиб қолаётганини, ташналикка чидай олмаётганини айтди. Ҳарқалай йўлдаги одам, доим диққати жам бўлиб туриши керак. Мен сўраб беришга ваъда бериб сизга ёзяпман : Шу ҳолатда рўза унинг учун узрликми? Умуман, нима маслаҳат берасиз? Катта раҳмат!