Рўзадор билмасдан бирон нарса еб қўйса
12:34 / 23.05.2018 | Akmaljon Xudayqulov | 11604
Ассалому алайкум! Рўза тутганда билмасдан эсидан чиқариб нарса еб қўйса нима қилиш керак?
«Зикр аҳлидан сўранг» ҳайъати:
Ваалайкум ассалом! Биров аввал эсида йўқ ҳолда таом еган ёки жинсий яқинлик қилган бўлса, рўзаси очилмайди. Аммо ҳукмни билмай, бўлар иш бўлди, деб кейин яна таом еса ёки жинсий яқинлик қилса, қазо рўза тутиб бериши лозим бўлади.
Рўзадорлиги эсидан чиқиб еб-ичиб ёки жинсий яқинлик қилиб қўйса, рўзаси очилмайди. Аммо эсига тушиши билан дарҳол мазкур ишларни тўхтатиши шарт. Жинсий яқинлик қилаётган киши рўзадорлигини эслаши билан ажраши керак. Агар ундан кейин ҳам туриб қолса, рўзаси бузилади. Валлоҳу аълам!
