МТС дан қарзим бор

Шайх Хазратлари. Мен МТС компанияси ишлаётган пайтда уланган эдим. Яъни МТС ишлатардим. Компаниянинг ўз абанентларига бир қанча қулайликлари бўлиб, шулардан бири ўз абанентларига “қарз бериш” қулайлиги эди. Мен ҳам МТС ишлаётган пайтда мана шу қулайликдан фойдаланиб 1 доллардан кўпроқ қарз олган эдим. Хабарингиз бор МТС компанияси ўтган йили тўсатдан ишламай қолди. Мен эса олган қарзимни қайтаришга улгурмай қолдим. МТС ишлаб қолар деб роса кутдим, лекин ишламади. Эшитишимча МТС компанияси энди қайта ишламас экан. Мен энди нима қиламан? Бу масалада шариат менга қандай ҳукм чиқаради. Олган қарзим қиёматга қолмасин дейман, зиммамда қарз билан ўлишни хоҳламайман. Бунинг оқибати ёмонлигидан қўрқаман. Илтимос менга маслаҳат беринг. Қарзимдан қандай қутилсам бўлади? Аллоҳ таоло рози бўлсин.