Масжудул ақсо

– Ва алайкум ассалом! Ҳадисда қуйидагича келади: 

عَنْ عَبْدِ اللَّهِ بْنِ عَمْرٍو، رَضِيَ اللَّهُ عَنْهُمَا، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: إِنَّ سُلَيْمَانَ بْنَ دَاوُدَ لَمَّا بَنَى بَيْتَ الْمَقْدِسِ، سَأَلَ اللَّهَ عَزَّ وَجَلَّ خِلَالًا ثَلَاثَةً: سَأَلَ اللَّهَ حُكْمًا يُصَادِفُ حُكْمَهُ، فَأُوتِيَهُ. وَسَأَلَ اللَّهَ مُلْكًا لَا يَنْبَغِي لِأَحَدٍ مِنْ بَعْدِهِن فَأُوتِيَهُ. وَسَأَلَ اللَّهَ حِينَ فَرَغَ مِنْ بِنَاءِ الْمَسْجِدِ أَنْ لَا يَأْتِيَهُ أَحَدٌ لَا يَنْهَزُهُ إِلَّا الصَّلَاةُ فِيهِ، أَنْ يُخْرِجَهُ مِنْ خَطِيئَتِهِ كَيَوْمِ وَلَدَتْهُ أُمُّهُ. أما اثنتان فقد أُعطيهما، وأرجو أن يكون قد أعطى الثالثة؟.  أخرَجَهُ النَّسَائيُّ وابْنُ مَاجَةَ وَأحْمَدُ 

Абдуллоҳ ибн Амр розияллоҳу анҳудан ривоят қилинади: 
Расулуллоҳ соллаллоҳу алайҳи васаллам айтдилар: “Албатта Сулаймон ибн Довуд (алайҳиссалом) Байтул мақдисни бино қилганида Аллоҳ таолодан уч нарсани сўради. Аллоҳдан унинг ҳукмига мувофиқ ҳукмни сўради. Бас, унга берилди. Аллоҳдан ундан кейин бирор кишига муяссар бўлмайдиган мулкни сўради. Бас, унга берилди. Масжидни бино қилишдан фориғ бўлган вақтда Аллоҳ таолодан ушбу масжидга фақат намозни ният қилиб келган кишини онадан туғулган кунидагидек гуноҳлардан пок ҳолатда чиқаришини сўради. Батаҳқиқ аввалги икки сўраган нарсаси берилди. Учинчиси ҳам берилган бўлишини умид қиламан”.
Насоий, Ибн Можа ва Аҳмад ривоят қилишган. Валлоҳу аълам!